The Jilted Bride

Si Alexandra Marquez, isang socialite mula sa Cebu, ay may perpektong buhay. Anak siya ng isa sa pinakamayamang negosyante sa kanilang lugar. Lahat ng gustuhin niya ay kanyang nakukuha, kasama na riyan si Anton Gerardo. Kahit labag sa kagustuhan ng ama, pinaglaban ni Alex ang pag-ibig niya kay Anton kung kaya nauwi iyon sa isang enggrandeng kasalan. Kaso nga lang, ang dapat sana'y simula ng kanyang forever after ay nauwi sa isang bangungot. Sa mismong araw kasi ng kanyang kasal ay nakipagtanan ang groom niya sa kanyang bride's maid na BFF niya simula't sapol, si Laurie. Dahil sa malaking kahihiyang natamo ng naunsyaming kasal, umalis ng bansa ang dalaga. Nakipagsapalaran siya sa Okayama, Japan bilang isang English teacher. Doon ay nakilala niya ang isang aroganteng Briton na si Brian Thorpe na galit sa mga Pinay. Palagi siya nitong pinagsusungitan kung kaya inakala niyang sadyang may galit ito sa hindi nito kauri. Sa huli lamang niya napag-alaman na ang Britong si Brian Thorpe pala ay iniwan ng Filipina nitong nanay nang ito'y sanggol pa lamang. Habang nakikilala ni Alex si Brian, napagtanto niya kung bakit hindi sila nagkatuluyan ni Anton. No'n niya rin na-realize ang totoong kahulugan ng linya ni Emily Dickinson na, "The heart wants what it wants or else it does not care."