Isang anghel na maituturing si Angelita nang tumulong kay Adrien, isang kaluluwang naliligaw. Saan patungo ang pag-iibigan nila?
Katulad ng araw at gabi ang mga mundong ginagalawan nina Angelita at Adrien. Hindi sana kailanman magkukurus ang mga landas nila pero naglaro ang tadhana. Isang gabing madilim, mistulang isang bulalakaw na nahulog sa kalawakan ang pagdating ni Adrien sa buhay ni Angelita.
Si Adrien ay nakakulong sa isang pribadong impiyerno at si Angelita ay isang anghel na handang lumusong sa apoy para iligtas siya. Marunong din kayang magmahal ang kanyang anghel?