Si Shelby San Diego ay nag-iisang anak na babae ng Filipino business tycoon na si Magnus San Diego. Dahil nag-iisang prinsesa, simula't sapol ay bantay-sarado siya ng limang kapatid na lalaki. Ngunit nang ma-in love ang dalaga kay Alfonso Dela Pena, nagkaisa ang mga kuya niya na hayaan siyang lumigaya. Subalit, hindi naging maganda ang kinahinatnan ng pag-iibigan nila Shelby at Alfonso dahil nagkahiwalay sila matapos ang pitong taon. Naging dahilan ang hiwalayang iyon para makilala ng dalaga si Gunter Albrecht, ang tinaguriang the hottest billionaire bachelor of NYC.
Sa unang tingin pa lang ni Gunter kay Shelby, naramdaman niya agad na espesyal ito. Subalit paano niya masisilo ang puso ng dalaga kung maya't maya'y nakahinga sa kanyang leeg ang lima nitong kapatid na lalaki? idagdag pa riyan ang ama nito't lolo na mukhang ayaw din sa kanya.